Papa Leoni XIV ka bërë një thirrje të fuqishme për paqe, duke shprehur shqetësimin e tij të thellë për përkeqësimin e situatës në Lindjen e Mesme, veçanërisht në Iran dhe Izrael, pas përshkallëzimit të dhunës dhe sulmeve të fundit.

Në një mesazh publik, Ati i Shenjtë u bëri apel palëve që të tregojnë maturi dhe përgjegjësi, duke theksuar domosdoshmërinë e angazhimit për ndërtimin e një bote më të sigurt dhe me paqe të qëndrueshme.

“Askush nuk duhet të kërcënojë ekzistencën e një tjetri. Është detyrë e të gjitha vendeve të mbështesin kauzën e paqes dhe të garantojnë siguri dhe dinjitet për të gjithë,” u shpreh Papa Leoni XIV.

“Askush nuk duhet të kërcënojë ekzistencën e një tjetri. Është detyrë e të gjitha vendeve të mbështesin kauzën e paqes dhe të garantojnë siguri dhe dinjitet për të gjithë,” u shpreh Papa Leoni XIV.

Kjo thirrje vjen në një moment tensioni të lartë ndërkombëtar, ndërsa bashkësia ndërkombëtare po bën përpjekje për të shmangur një konflikt të gjerë në rajon.